Multimiliarderi Donald Trump u vu ne shënjestrën e sulmeve ne debatin televiziv te radhës se kandidateve republikane për president. Pas tre fitoreve radhazi dhe ne prag te votimeve te 1 marsit ne 11 shtete, rivalet nuk nguruan ta kritikonin ate për çështjet e emigracionit, kujdesit shëndetësor, apo politiken e jashtme. Si herët e shkuara, debati degjeneroi ne fyerje personale.
Marko Rubio:
Kandidat për president. Ky është njeriu qe ka trashëguar 200 milionë dollarë? Nëse nuk do t’i kishte trashëguar, do te ishte duke shitur ora ne Manhatan.
Donald Trump:
Ju politikanet, ju keni vetëm fjale, asnjë veprim, ju kam pare gjithë jetën. Ti je një artist i dështuar, kurse ti një gënjeshtar.
Ted Cruz:
Qetësohu!
Donald Trump:
Mos u bej nervoz
Ted Cruz:
Nuk ke asgjë qe te besh dike nervoz.
Rubio akuzoi Trump se ka punësuar me shume te huaj se amerikane ne projektet e tij te ndërtimit dhe ne hotelet e tij punojnë emigrante te paligjshme. Por biznesmeni u përgjigj se kishte punësuar mijëra njerëz, ndërsa Rubio asnjë. Trump u sulmua edhe per mbështetjen qe i ka dhene ne te kaluarën ish-sekretares se shtetit Clinton dhe sekretarit aktual Kerry. Megjithatë, agresiviteti i rivaleve nuk e shqetësoi Trump, qe vazhdon te kryesoje ne sondazhe. Mes përplasjeve ne debatin e transmetuar nga CNN dy kandidatet e tjerë, John Kasich dhe Ben Carson e patën te vështire te tërheqin vëmendjen e publikut.
