I shoqëruar nga dhjetëra forca policie, autori i masakrës së Selenicës, 24 vjeçari Ritvan Zyka, ka doli para gjykatës për tu njohur me masën e sigurisë.
Ndërkohë dhjetëra qytetarë ishin grumbulluar jashtë ambjenteve të Gjykatës me pankarta në duar ku shprehnin revoltën dhe kërkonin dënimim me vdekje për monstrën e Selenicës.
I qetë dhe pa shfaqur pendesë për krimin e kryer, ai ka qëndruar në pritje të vendimit në kafazin e xhamit. Madje ka heshtur kur është pyetur nga gazetaret se përse kreu krimin.
Ritvan Zyka, vrau pasditen e të premtes 8 kushërinjtë e tij, mes tyre edhe dy fëmijë.
Pas krimit makabër, Zyka qëndroi 12 orë në arrati dhe u kap nga forcat special në orët e para të mëngjesit të së shtunës, ku u gjet edhe arma e krimit, një kallashnikov, të cilin 24- vjeçari e mbante të mbushur.
Në momentin e arrestimit Zyka nuk ka bërë rezistencë, ndërkohë që ka thënë vetëm “Unë i vrava, më gjeni avokat”.
