Risitë e botërorit të Rusisë, sistemi “VAR” dhe zëvendësimi i katërt
Sistemi “Var” do të përdoret edhe ne Botërorin e Rusisë që do të luhet nga 14 qershori deri ne 15 korrik në Rusi. Vendimi u mor në Zyrih nga bordi ndërkombëtar i rregullave gjatë punimeve të në kongresin e 132 te FIFA.
Aplikimi i teknologjisë në futboll për rastet e diskutueshme shtrihet kështu ne një eveniment kaq madhor pasi është përdorur gjatë këtij edicioni në disa kampionate europine, mes të cilave ndër më të rëndësishmit në Seria A.
Zyrtarizmi i vendimit do të bëhet ne datat 15 dhe 16 mars në Bogota të Kolumbisë ku do të zhvillohet mbledhja e radhës e këshillit të FIFA-s. Më herët edhe vetë presidenti i FIFA-s Giani Infatino ishte shprehur pro përdorimit të teknologjisë për rastet e diskutueshme ne futboll ndërsa një mendim i tillë ishte dhënë edhe nga përfaqësuesit e 32 ekipeve kombëtare pjesëmarrëse në Botërorin e Rusisë gjatë një mbledhje te zhvilluar në këtë vend pak ditë më parë.
Aplikimi i sistemit “Var”, ishte parë me skepticizëm nga kreu i UEFA-s Ceferin i cili tha se nuk ka ndërmend të japë Ok-in që ky sistem të aplikohet ne UEFA Champions League për sezonin e ardhshme.
Ndërkohe një tjetër risi për Botërorin Rusisë do të jetë edhe zëvendësimi i katërt. Çdo ekip do të ketë të drejte te kryeje një zëvendësim të katërt vetëm në kohet shtesë, nëse një sfide ka nevoje të përcaktojë fituesin ne 30 minuta ekstra.
