Presidenti i Shteteve te Bashkuara Donald Trump, pas sulmit të fundit terrorist që ndodhi të hënën në New York përsëriti thirrjen ndaj kongresit që të rishikojë sistemin amerikan të emigracionit.
“Personi i parë erdhi në SHBA nëpërmjet programit të lotarisë së vizave ndërsa tjetri përmes një lidhjeje familjare me një shtetas amerikan. Shtetet e Bashkuara do t’i japin fund shpejt këtyre dy dispozitave të emigracionit. Kongresi duhet të veprojë menjëherë”.
Pasi kujtoi urdhrin që kufizon udhëtimet nga 8 vende me shumicë muslimane, Trump kërkoi nga kongresmenet të veprojnë mbi propozimet e tjera të administratës së tij për të fuqizuar sigurinë e brendshme. Trump, shtoi se personat që akuzohen për akte terroriste meritojnë dënimet më të ashpra parashikuar nga ligjet në fuqi, përfshirë këtu edhe dënimin me vdekje. Ndërkaq, sipas policisë i akuzuari për sulmin terrorist në Manhatan, Akajed Ullah, një emigrant nga Bangladeshi e kreu aktin ne shenje hakmarrje per njohjen e Jerusalemit si kryeqytet te Izraelit.