Këngëtarja e njohur nga Barbadosi, Rihanna, u bë pjesë e linjës së veshjeve “Puma”, për të cilën 29-vjeçarja stilon një koleksion më vete.
Së fundmi, “FentyxPuma”, koleksioni i krijueses së “Diamonds”, është përballur në gjykatë me firmën “Forever 21”.
Sipas zëdhënësve të Puma-s, firma në fjalë ka kopjuar 3 lloje këpucësh dhe atletesh të krijuara nga Riri: “Creeper”, “Bow Slides” dhe “Fur Slide”.
Duke krahasuar modelet e dy kompanive mund të shihet qartë që veshjet kanë mjaft ngjashmëri mes tyre. Puma dhe “FentyxPuma” kërkojnë një dëmshpërblim të majmë nga “Forever 21”, por shifra është mbajtur e fshehtë deri në momentin e gjykimit përfundimtar.
