Rinisin fluturimet në Rinas
Merr zgjidhje situata në aeroportin e Rinasit.
Lajmi u dha nga ministrja e Infrastukturës, Belinda Balluku, e cila në nj dalje për mediat, tha se fluturimet do të rinisin qysh këtë të enjte.
Ajo sqaroi se sot do të kryhen fluturimet e domosdoshme, të tilla si humanitare, diplomatike, ushtarake dhe shtetërore.
Kurse udhëtarët do të kenë mundësi të fluturojnë nga mëngjesi i të premtes.
“Do të nisin fluturimet esenciale, që përfshijnë fluturimet humanitare, emergjente, ushtarake dhe ju njoftoj se kemi arritur të ruajmë sasinë e vaksinave të konsiderueshme. Do të vijë sot rreth orës 3 pasdite dhe do të fillojë shpërndarja. Dua të informoj të gjithë qytetarët që do të jetë e pamundur në këto momente që të kemi fluturime komerciale, por është duke u punuar për zgjidhjen e këtij problemi. Nesër në orët e para të mëngjesit do të kemi situatë normale të fluturimeve.”
