- Këshilli i Ministrave miratoi sot vendimin për rimbursimin e paketës së barnave për trajtimin ambulator në banesë për personat e diagnostikuar me COVID-19 nga Fondi i Sigurimit të Detyrueshëm të Kujdesit Shëndetësor.
I ftuar në Spotlight nga Alban Dudushi, në Vizion Plus, ish-zv. ministri i Shëndetësisë dhe eksperti i shëndetit publik, Gjergj Koja ka deklaruar se nga ky vendim tashmë përfitojnë të gjithë. Ai nuk përjashton këtu as të pasiguruarit, ndonëse ka një debat të madh lidhur me këtë çështje.
“Me këtë vendim të Këshillit të Ministrave përfiton e gjithë popullata, të siguruar dhe të pa siguruar, se ka një debat të madh për këtë, të gjithë. Janë njësoj të barabartë përballë kësaj flame. Ky vendim i Këshillit të Ministrave i jep vendin që i takon mjekut të familjes, sepse I jep kompetenca të plota për të ndjekur të sëmurin, për të përcaktuar stadin.”
