Rilindja urbane edhe në fshat

Programi i rilindjes urbane duket se në këtë mandat të dytë qeverisë Rama do të transferohet kryesisht drejt zonave rurale. Prioritet do të kenë zonat turistike, me qëllim krijimin e një infrastrukture më të mirë, për qytetarët, por jo vetëm.

Ministrja Gjermeni jep edhe disa detaje lidhur se çfarë do të ketë në fokus të këtij programi të rikonceptuar. Tashmë kjo nisëm do të jetë rajonale, pra investimet do të prekin dy apo më shumë njësi territoriale, në ndryshim nga programi i zbatuar deri më tani që shtriheshin vetëm në një bashki. Rilindja urbane erdhi si një risi e qeverisë Rama, duke u fokusuar më së shumti në investimet në qendrat e qyteteve.