Ish-deputeti i Partisë Demokratike, Luçiano Boçi shfaqet kundër vendimit të Ministrisë së Arsimit për rikthimin e studentëve në auditore në muajin qershor.
Në një lidhje direkte me edicionin qendror të “Vizion Plus”, demokrati argumentoi se kompetenca ligjore iu përket universitetetve. Sipas tij, ky vendim bie në kundërshtim dhe nuk përputhet me projektin e kryeministrit Edi Rama për hapjen kombëtare.
“Një ndër vendimet kontroverse. Kryeministri synon të sjellë me dhunë në universitete studentët vetëm me një qëllim final, pasi vëmendja është tek procesi fiktiv zgjedhor për të gjithë hierarkinë drejtuese të gjithë universiteteve, kryesisht të Tiranës. Vetë universitetet janë ato që kanë kompetencën ligjore të vendosin një progresion hapje. Ky progresion duhet të ishte në përputhje me projektin që pretendon qeveria. Projekti që ka vetë Rama bie në kundërshtim me projektin që paraqiti Rama përmes ministres. Nuk përputhet me hapjen kombëtare. Sepse nuk parashikon që studentët të vijnë nga rrethet, lëvizjen ndërqytetase, aq më teper që një pjesë e studentëve kthehen në konvikte, pa kushte higjenikë dhe në grupe me 4-5 veta. Këtu ka një alarm shumë të madh. Kryesore është mungesa e testimve. Pa tesime të qarta nuk mund ta hapen universitetet dhe jeta publike, për aq kohë sa nuk e dimë situatën e pandemisë.”
Për ish-deputetin, mësimi online nuk ka funksionuar dhe se universitetet u gjetën në një boshëllk infrastrukturor për shkak të mungesës së investimeve.
“Efektiviti rrëzohet nga disa elemente. Mos përgatitja totale e studentëve për t’u gjetur në një mësim të tillë, pamundësia ekonomike e shumë familjeve që nuk mund t’I ofrojnë familjeve të tyre aparat smart, kompjuter bashkëkohor, apo edhe vetë pengesa e pedagogëve në sigurimin e kësaj infrastrukture. Qëllimi themelor i iniciativës së Ramës përmes ministres së tij nuk është avancimi i procesit mësimor në universitete, vëmendja e tyre është tek kapja e drejtimit të universiteteve, duke insistuar në një drejtim politik, vecanërisht në Universitetin e Tiranës.”
Boçi ritheksoi se qëllimi kryesor i iniciativës së kryeministrit Rama është kapja e drejtimit të universiteteve dhe avancimi i procesit mësimor.
“Mblidhet Komisoni Institucional Zgjedhor, i vjetër i universitetit të Tiranës dhe merr vendimin për çeljen e garës, ky komision e ka humbur afatin ligjor që në shkurt dhe nuk duhet të marrë vendime të tilla, vendimet janë anti-ligjore. Mënyra se si veproi Komisioni që kërkon të nxisë një situatë ankimi në Gjykatë dhe pas kësaj ministrja ka të drejtë kë komandojë një rekor në Universitetin e Tiranës. Nëse ka ankimim, ministrja vendos zëdhënësin e vetë politik si rektor, që më vonë ai të përgatisë situatën zgjedhore. Thirrja e studentëve bëhet pasi pa elementin student, zgjedhjet, në syrin e opinionit publik, do ishte i rrëzuar. Duke sjellë një pjesë të studentëve para datës së votimit të rektorit dhe senatit, afër datës 15, i bie që të marrë një pamje sikur është ligjor. Në këto kushte pandemie, kanë vetëm një qëllim (që nuk ka të bëjë me procesin zgjedhor): Realizimin e kapjes së universiteteve, sidomos atë të Tiranës.”
