Rikthehet sërish pas një pause prej dy muajsh vettingu në sistemin e drejtësisë.
Pritet që seanca e parë KPK, në këtë sezon do të jetë javën e ardhshme, me 3 tetor ora 09:30, ku do të zhvillohet seanca dëgjimore për gjyqtarin e Gjykatës Administrative të Shkodrës, Ahmet Jangulli.
Gjyqtari është njëkohësisht edhe anëtar i Këshillit të Emërimeve në Drejtësi. Trupi gjykues i KPK përbëhet nga Brunilda Bekteshi, Suela Zhegu, Valbona Sanxhaktari.
Pritet që gjyqtarin Jangulli do t’i nënshtrohet Vettingut për tre komponentë pasurinë, kriterin moral dhe aftësitë profesionale.