Kupa e Mbretit ne Spanje rikthehet ne platformën Tring ne nje maratone tre ditore me takimet e kthimit te raundit te 1/16-ve.
Ne Santiago Bernabeu ne orën 21:30 reali sfidon ne derbin madrilen modestet e Fuenlabrada. Takimi i pare përfundoi me rezultatin 2-0 per skuadrën e Zinedin Zidan me dy penallti te kontestuara nga tifozët. Nëse ne sfidën e pare tekniku francez luajti me pothuajse gjithë skuadrën e Real Castilla, sot ne fushe do te zbresin disa nga yjet e skuadrës, mbi te gjitha Gareth Bale.
Pas 63 ditësh mungese dhe 11 ndeshje pa luajtur, Uellsiai ka lene pas dëmtimin. Bashke me te edhe Kovacic dhe portieri Kejlor Navas ne formacionin baze te Realit. Gareth Bale është kritikuar shume nga tifozët dhe media spanjollet per dëmtimet e shpeshta, duke përfolur edhe nje largim te tij ne merkaton e janarit. Ne kampin kundërshtar është nje mbrëmje e veçante, pasi per here te pare modestet e Fuenlabrada luajnë nje nje stadium gjigand, si Santiago Bernabeu. Interesant është fakti se ne stadium do te jene edhe 2300 tifozë te cilët do te mbështesin skuadrën e kategorisë se trete spanjolle.
Ndërkohe ne te njëjtin orar ne platformën Tring do te transmetohet edhe sfida ne Balaidos mes Celta Vigo dhe Eibar me basket te cilët e kane humbur sfidën e pare ne shtëpi 1-2. Te mërkurën ne Tring zbresin gjigandet e Barcelonës ne sfiden kundër Murcia, Atletiko e Madridit kundër Elche, ndërsa Atletic Bilbao sfidon ne shtëpi Formenteren. Te enjten Vijareal duhet te përmbyse shifrat pas fitores se Ponferedines, ndërsa ne Mestaja mysafir i Valencias është Valladolid.
