Rikthehen trazirat në Athinë

Degjeneron ne dhune protesta e sindikatave greke kundër reformës se pensioneve. Mijëra njerëz hodhën gurë dhe bomba molotov ndaj forcave te rendit ne sheshin Sintagma, si dhe ne disa rruge te kryeqytetit Athine. Policia u kundërpërgjigj me gaz lotsjellës per te shpërndare turmat e zemëruara. Disa persona u arrestuan. Si pasoje e sulmeve u dëmtuan vitrina dyqanesh dhe trotuare. Qeveria e kryeministrit Cipras duhet te rrisë kontributet per sigurimet, per te shmangur ne kete mënyre shkurtimin e pensioneve. Reforma është kërkuar nga kreditoret ndërkombëtare, por qytetaret jane te zemëruar, pasi do te humbasin 2/3 e te ardhurave per kontribute dhe taksa. Akte te dhunshme jane shënuar edhe gjate protestave ne Selanik dhe qytete te tjera te vendit. Sindikatat greke te sektorit publik dhe privat kane qene ne greve 24 oreshe këtë te enjte, duke paralizuar transportin ne vend.