Ministri i Jashtëm shqiptar Ditmir Bushati është takuar në Uashington me sekretarin amerikan të Shtetit, Rex Tillerson. Në rrjetin social Twitter, Bushati shkruan: Kënaqësi për t’u takuar me sekretarin Tillerson dhe për të konfirmuar se qëndrojmë së bashku në koalicionin global për mposhtjen e ISIS.
Më herët ministri Bushati bëri te ditur se senati amerikan ka vendosur te rikrijoje grupin mbështetës per çështjet shqiptare, te përbëre nga senatore demokrate e republikane, qe do te mbrojnë e promovojnë çështjet shqiptare, jo vetëm ne Shqipëri, por edhe me gjere. Në Uashington Bushati është takuar me dy bashkedrejtuesit e grupit, senatoret Gary Peters nga Michigani dhe Xhoni Ernst nga Iowa. Ata shprehen vlerësim per rolin dhe kontributin e Shqipërisë ne koalicionin ndërkombëtar kundër terrorizmit, si edhe ne garantimin e stabilitetit ne rajon e me gjere.
“Shqipëria është një aleate kyçe e Shteteve të Bashkuara të Amerikës dhe një anëtare e vlerësuar e komunitetit ndërkombëtar e cila është e angazhuar në konsolidimin e demokracisë dhe zbatimin e reformave kyçe”
Ndërsa senatorja republikane Ernst nënvizoi peshën e marrëdhënies shqiptaro-amerikane në Europën Jug-Lindore dhe vlerësoi arritjet e përbashkëta në konsolidimin e shtetit të së drejtës në Shqipëri dhe perspektivës euro-atlantike të mbarë rajonit.
