Bashkia e Tiranës ka rikonstruktuar ambientet sportive të shkollës “Sinan Tafaj”, për 1100 nxënësit që e frekuentojnë atë. Kryebashkiaku Erion Veliaj inspektoi punimet e kryera dhe tha se keto ambiente do te jene te hapura per nxënësit edhe pas mësimit, duke i kthyer ne qendra komunitare.
Ai i bëri thirrje të gjithë të rinjve që t’i shfrytëzojnë këto ambiente maksimalisht, në mënyrë që të kenë një jetë më të shëndetshme. Me projektin e 20 shkollave që bashkia e Tiranës ka nisur të ndërtojë në kryeqytet, do t’i jepet zgjidhje edhe problemit të mbingarkesës dhe mësimit me dy turne.
