Departamenti i Drejtësisë e kishte këshilluar FBI-ne te mos njoftonte Kongresin per rihapjen e hetimeve per përdorimin e nje serveri e-mail-i privat nga Hillary Clinton gjate kohës kur ajo ishte Sekretare e Shtetit. Nje veprim i tille u vlerësua se nuk ishte ne përputhje me praktikat e këtij departamenti per te mos lejuar ndikim ne fushatën zgjedhore, megjithatë këshilla nuk eshte marre parasysh. Per kandidaten demokrate per presidente Clinton, kjo lëvizje ishte e paprecedente dhe shqetësuese.
“Është e çuditshme te nxjerrësh diçka te tille me kaq pak informacion përpara zgjedhjeve. Nuk është thjesht e çuditshme, por e paprecedente dhe thellësisht shqetësuese, pasi votuesit meritojnë te kene fakte te plota. Comey duhet te shpjegoje menjëherë gjithçka. Trump po përpiqet te ngatërroje dhe dekurajoje amerikanet dhe po shpik gënjeshtra”.
Senatoret demokrate i kane shkruar drejtorit te FBI, Comey dhe prokurores se përgjithshme, Loretta Lynch te japin me shume detaje per hetimet deri te hënën, ndërsa konsiderojnë se rihapja e hetimit po përdoret per qëllime politike. Fushata elektorale u trondit nga nje lajm i tille dhe sondazhet pësuan ndryshime. Diferenca mes dy rivaleve per Shtëpinë e Bardhe, Trump e Clinton është ngushtuar. Sipas nje ankete te ABC News/Washington Clinton kryeson vetëm me nje pike, 46-45%.
