Rihapet aeroporti i Brukselit

Nën masa të rrepta sigurie, rihapet pas 12 ditësh nga sulmet terroriste aeroporti i Brukselit. Personeli i aeroportit të Zaventemit, i cili tashmë kryen fluturime në të gjitha destinacionet europiane, ka ndryshuar intineratin e punës, pasi kontrollet e rrepta janë vendosur që në hyrje të godinës. Sipas rregullore së re, automjetet dhe pasagjerët që do të udhëtojnë do të skanohen panë portës hyrëse, është shtuar një kontroll i dokumenteve të identifikimit dhe kontrolli i pasaportave do të bëhet përkohësisht në hyrje. Personat të cilët nuk udhëtojnë, nuk do të lejohen të futen në godinë. Dy kontrollet fillestare do të pasohen nga një i tretë për pasagjerët që nisen. Sipas policisë, aktualisht aeroporti është i aksesueshëm vetëm përmes taksisë, pasi terminali për trenat dhe autobusët është ende i mbyllur. Tre destinacionet e para janë Portugalia, Greqia dhe Italia.
Me herët, policia në Bruksel kreu disa arrestime në radhët e protestuesve të ekstremit të djathtë. Gjatë këtij tubimi është shënuar dhe një incident, kur një makinë ka shtypur një grua dhe u largua pa i ndaluar policisë.