Rihapen stacionet hekurudhore në Munih

Policia gjermane ndodhet ne gjendje gatishmërie pas kërcënimeve per sulme terroriste, qe i detyruan te mbyllnin përkohësisht dy stacione hekurudhore ne Mynih dhe Pasing. Sipas informacioneve te siguruara nga shërbime sekrete amerikane dhe franceze, disa persona po planifikonin te kryenin sulme vetëvrasëse ne këto objekte ne emër te shtetit islamik. Ndonëse stacionet u rihapen, policia tha se kontrollet ne to janë shtuar, pasi rreziku mbetet i larte. Autoritetet janë vene ne ndjekje te shtate shtetasve irakiane dhe siriane qe banojnë ne Mynih. Shefi i policisë se Mynihut sqaroi se ka disa emra qe po kontrollohen nga policia, por nuk ka detaje per vendndodhjen e tyre. Per ministrin e Brendshëm bavarez Joachim Herrman mbyllja e stacioneve ishte veprimi i duhur per te shmangur rrezikun per shkak te kërcënimeve specifike per sulme natën e ndërrimit te viteve. 90 minuta para mesnate policia evakuoi stacionin kryesor te trenave ne Mynih dhe atë ne Pasing. Gjermania, por edhe shtete te tjera europiane ishin ne alarm gjate oreve te fundit te 2015-es per shkak te kërcënimeve per sulme terroriste. яндекс