Nën magjinë artistike të muzikalit “Mamma Mia”, përshtatur nga këngët e grupit legjendar Abba, nisi shfaqjen e saj të pestë, Ferma VIP në ekranin e Vizion Plus.
Kjo komedi muzikore u interpretua me të gjithë elementët e saj, nga vetë fermerët të cilët u gjendën në role të ndryshme.
Një performancë e shkëlqyer dhe një sfidë e kaluar me sukses, nga e cila të gjithë konkurentët fituan imunitet të plotë deri në prime-n e radhës.
Ndërkohë, Rigelsa Cybi e humbi statusin e saj si fermere pasi publiku zgjodhi të shpëtojë Niko Komanin në televotimin e hapur mes tyre. Rigelsa është e eleminuara e parë nga izolimi i fermës VIP, një eksperiencë të cilën do të donte ta kishte vazhduar.
Nga ana tjetër, fermës VIP i’u shtuan dy fermerë të rinj. Artemisa Kusi dhe Egzon Berisha morën sinjalet e para të mikpritjes, por ky është vetëm fillimi.
Një tjetër fokus i rëndësishëm mbrëmjen e së premtes, ishin punët e fermës. Dhe një sfidë e papërmbushur që ashpërsoi debatin mes fermerëve. Kryeplaku gjithashtu nuk i kurseu rezervat për ata që i quajti “dezertorë” ndërsa pati edhe justifikime që nuk kaluan pa dënim. Duke qëndruar tek kjo dinamikë, opinionistët u kujdesën të vendosin pikat mbi i.
Marjana Kondi dorëzoi statusin e kryefermeres. Me konsensus, shumica vendosi që në shtëpinë e Njishit të qëndrojë Flori si kryefermer dhe të marrë komandën e punëve të fermës VIP.
Dhurata për ditëlindjen e Xhesika Polos ishte surprizë edhe për fermerët e tjerë. Këngëtarja Valbona Mema mbylli mbrëmjen në një atmosferë fantastike.
Ferma VIP 1 dhe Ferma VIP 2 janë dritarja juaj për të ndjekur në çdo moment, 24 orë në shtatë ditë të javës, çdo gjë që ndodh në Fermën VIP. /vizionplus.tv
