128 shtetas shqiptarë janë riatdhesuar pasditen e kësaj të hëne nga Frankfurti. Ata kanë mbërritur në aeroportin e Rinasit dhe pritet të futen në karantinë.
Sipas rregullave të reja të Ministrisë së Shëndetësisë, udhëtarët që banojnë në zonat e gjelbra do të karantinohen për 14 ditë në hotelet e certifikuara. Nga ana tjetër, emigrantët që banojnë në zonat e kuqe, do të karantinohen për 14 ditë në shtëpi.
Po ashtu, të gjithë të riatdhesuarit do të duhet të qartësojnë edhe adresën e vendbanimit.
