Riatdhesohen 104 shqiptarë nga Franca, Gjermania dhe Belgjika
104 shqiptarë janë riatdhesuar nga Franca, Gjermania dhe Belgjika këtë të martë. Shtetasit shqiptarë kishin shkelur rregullat e qëndrimit në hapësirën Schengen dhe kishin kërkuar azil.
Nga Franca janë rikthyer 43 shqiptarë, 5 nga Belgjika, si dhe 56 shtetas nga Gjermania, të cilët kishin kërkuar azil.
Të gjithë këta shtetas, nuk lejohen më të udhëtojnë në vendet e BE-së, për tre vjet, që prej datës së kthimit deportiv.
Autoritetet bëjnë thirrje se operacionet e riatdhesimit do vijojnë edhe në javët e ardhshme. Ndërkohë, Ministria e Brendshme dhe Policia e Shtetit apelojnë edhe njëherë që të respektojnë rregullat për të lëvizur dhe qëndruar në vendet e BE-së dhe të mos tentojnë të kërkojnë azil, pasi sipas tyre shanset për ta fituar janë zero.
