Franca është kundër hapjes së negociatave me Shqipërinë. Kështu shkruan Reuters në një artikull të botuar këtë të enjte duke iu referuar burimeve zyrtare të saj në Bruksel.
Sipas Reuters, Franca ka njoftuar vendet anëtare të BE se është kundër hapjes së negociatave për Shqipërinë e Maqedoninë e Veriut.
Më shumë se gjysma e 28 vendeve anëtare të BE-së, si dhe zyrtarët e saj të lartë në Bruksel, kanë shprehur qëndrimin për hapjen e negociatave me dy vendet e Ballkanit Perëndimor me argumentin se nëse nuk do të happen negociata atëherë klima në Shqipëri dhe Maqedoninë e Veriut do të tensionohet.
Por Parisi, sipas Reuters, vijon t’I qëndrojë mednimit se BE po përballet me shumë sfida dhe se nuk mund të lejojë dy shtetet e Ballkanit Perëndimor, të cilat ende kanë shumë punë për të bërë sa I takon luftës kundër krimit e korrupsionit që të anëtarësohen në union.
Sipas Francës, fillimisht duhet të reformohet vetë BE dhe më pas rreth vitit 2020 të jepet një vendim rreth Maqedonisë së Veriut e Shqipërisë.
“Ata nuk janë akoma atje. Ne po u kërkojmë atyre të bëjnë përpjekje shtesë, “tha një zyrtar francez. “Negociatat nuk mund të hapen në Tetor 2019, do të duhet të rivlerësojmë situatën diku në vitin 2020.”
