Rënia e dherave dhe shembja e një muri gjatë natës kanë bllokuar rrugën nacionale Vlorë- Orikum. Pjesa e murit është rrëzuar pranë zonës së Ujit të Ftohtë ku ndodhen njësitë hoteliere në Lungomare 2.
Raportohet se autoritetet po punojnë për largimin e dherave nga rruga nacionale. Megjithatë, pavarësisht ndërhyrjes së autoriteteve aksi do të vijojë të jetë i bllokuar. Mësohet se puna për lehtësimin e qarkullimit do të vijojë gjatë natës.
