Reshjet vështirësojnë qarkullimin në akset rrugore

E marta ka rikthyer reshjet e shiut në të gjithë vendin, por aktualisht, te gjitha akset kombëtare janë të kalueshme. Sipas Autoritetit të Rrugëve nuk raportohen probleme serioze në lëvizje në akset nacionale. Në Tiranë, si pasoje e rrëshqitjes se dherave, ne aksin Qafë Priskë – Shëngjergj qarkullohet vetëm ne njërën korsi. Në Elbasan, ne zonën e Labinotit dhe në segmentin Drizë – Gramsh, makinat po ashtu lëvizin vetëm me një kalim. Në Kukës, ne të gjitha akset ka rënie gurësh, të cilët po pastrohen nga firmat kontraktore. E njëjta situate është edhe ne Burrel e Bulqizë, por nuk ka bllokim te plote te rrugëve.