Një rebesh shiu ka pushtuar qytetin e Shkodrës mbrëmjen e kësaj të marte. Për pasojë disa segmente rrugore kanë pasur vështirësi në qarkullim nga moti i keq. Segmenti Isa Boletini-Ura Dervishbeg, Pallati i Rinisë në Parrucë, qendra e qytetit etj. Gjithashtu, edhe korsia e biçikletave në këto segmente është përmbytur.
Për situatën reagoi edhe kryebashkiaku Benet Beci, i cili tha se po punohet për normalizimin e situatës.
“Që prej orës 18:00 qyteti i Shkodrës është përfshirë nga reshje intensive shiu të cilat kanë krijuar probleme në disa akse rrugore të Shkodrës.
Punonjës të Ujësjellës – Kanalizime dhe shërbimeve publike kanë qënë të gjithë në terren për rikthimin e normalitetit në qytet në kohë rekord.
Bashkia Shkodrës, do të ndërhyje për përmirësimin dhe lirimin e rrjetit ekzistues të kanalizimeve si prioritet dhe shërbim për banorët e Shkodrës.”
