Reshjet e shiut paralizojnë qarkullimin në Gjirokastër
Rrugë të bllokuara dhe vështërsi të shumta janë shkaktuar në qarkun e Gjirokastrës si pasojë e reshjeve të dendura të shiut, veçanërisht në qarkullimin e mjeteve. Kjo është situata në të cilën është zgjuar qyeti i Gjirokastrës mëngjesin e së hënës. Sikundër ishte paralajmëruar dita e sotme ka nisur me reshje të dendura shiu. Në Gjirokastër ka pasur vështirësi në qarkullimin e automjeteve në aksin pranë varrezave të qytetit.
Njëri prej përrenjve ka dalë nga shtrati duke sjellë në rrugë materiale inerte. Rruga vazhdon të jetë e bllokuar, ndërsa qindra automjete presin në radhë. Mungesë të energjisë elektrike ka në disa zona, përfshi Libohovën dhe Zagorien. Situata sinoptike pritet të përkeqësohet në orët në vijim.
Si pasojë e motit të keq është pezulluar puna në sektorin e peshkimit në portin e Durrësit, ku është ndaluar dalja në det e peshkarexhave për arsye sigurie. Një ditë më parë Ministria e Brendshme urdhëroi ngritjen e Shtabeve të Emergjencave nëpër qarqet e rrezikuara nga përmbytjet.
