Të paktën 13 persona kanë humbur jetën javën e kaluar në zona të ndryshme të Kolumbisë si pasojë e reshjeve të dendura të shiut, një fenomen i pazakontë për këtë periudhë të vitit, sipas një bilanci të bërë publik të dielën nga burime zyrtare. Një front i ftohtë i ardhur nga pjesa veriore e kontinentit amerikan arriti në rajonin e Karaibeve në Kolumbi, duke rritur reshjet me mbi 64% gjatë muajit janar krahasuar me mesataren historike, siç bëri të ditur Instituti Meteorologjik Kolumbian (IDEAM), i cili e lidhi këtë situatë me krizën klimatike.
Autoritetet raportuan se shtatë persona humbën jetën dhe dy të tjerë u plagosën si pasojë e një rrëshqitjeje masive dheu të premten në bashkinë Mayama, në departamentin Nariño, në jugperëndim të vendit. Reshjet e forta shkaktuan daljen nga shtrati të një lumi dhe rrjedha balte që mbuluan disa banesa. Sipas autoriteteve lokale, operacionet e kërkim-shpëtimit përfunduan pas konfirmimit të shtatë viktimave, dy të plagosurve, shkatërrimit të pesë shtëpive dhe dëmtimeve në një strukturë shëndetësore.
🚨🚨BREAKING UPDATES 🚨
🇨🇴 Heavy rains flood northern Colombia, families evacuated
Heavy rains have triggered devastating floods across parts of northern Colombia. Hundreds of people had to be evacuated as the water rose fast.
Authorities say they’re assisting more than 900… https://t.co/3pImloT2Lk pic.twitter.com/pjkWMgKG8r
— Core (SatoshiPlus) #BTC, #ETH & #BNB Believers (@corechaincrypto) February 4, 2026
Pamjet e publikuara nga autoritetet tregojnë përmasa të mëdha të rrëshqitjes së dheut, mjete të rënda, ekipe shpëtimi, qen të trajnuar dhe banorë të zonës që përpiqen të përballojnë pasojat e fatkeqësisë. “Kemi shumë familje të prekura që realisht kanë humbur gjithçka”, deklaroi Ramiro Velásquez, përgjegjës i një strehe për komunitetet autoktone në Mayama, për televizionin publik RTVC.
Ndërkohë, Agjencia Kombëtare për Menaxhimin e Rreziqeve dhe Fatkeqësive (UNGRD) raportoi më herët se vala e motit ekstrem ka shkaktuar të paktën gjashtë viktima të tjera dhe mijëra të prekur në rajone të ndryshme të vendit, përfshirë katër të vdekur në luginën e Cauca-s dhe dy në Magdalena. Sipas të njëjtit burim, tre persona rezultojnë ende të zhdukur në departamentin Córdoba.
/vizionplus.tv
