Reshjet e dendura të shiut, përmbytet shëtitorja në Sarandë

Si pasojë e reshjeve të dendura të shiut, është përmbytur një pjesë e shëtitores “Spile” në Himarë.

Ujërat që vijnë nga zona kodrinore kalojnë përmes kanalit kullues, i cili nuk ka mundur të përballojë prurjet e larta.

Kjo situatë ka bërë që uji të dalë mbi shëtitore, duke përmbytur një segment të saj dhe duke vështirësuar lëvizjen në zonë.

Sipas banorëve, në përkeqësimin e situatës ka ndikuar edhe shembja e një barriere mbrojtëse përgjatë kanalit, e cila më herët shërbente për të parandaluar përmbytjet.