Këtë të mërkurë në vendin tonë, do mbizotërojë mot me reshje shiu të herëpashershme me intensitet të ulët në pjesën më të madhe të territorit, prej orëve të para të 24-orëshit deri në orët e mesditës, ndërsa në Veriperëndim reshje në formën e shtrëngatave.
Nga orët e mesditës e kryesisht në orët e mbrëmjes përgjatë Ultësirës Perëndimore e në Jug parashikohen reshje shiu me intensitet deri mesatar në formën e shtrëngatave afatshkurtra të herëpashershme, ndërsa pjesa tjetër e vendit parashikohet të vijojë me reshje shiu me intensitet të ulët.
Në zonën e Alpeve dhe relievet e larta malore në Verilindje- Juglindje të vendit reshje dëbore me intensitet të ulët.
Tenperatura minimale do të shënohet në Korçë, 8 gradë celcius, ndërsa ajo maksimale në Fier, 17 gradë.
Era do të fryjë me drejtim kryesor Juglindje-Jugperëndim me shpejtësi mesatare 7 m/sek, e cila hera-herës përgjatë vijës bregdetare dhe zonave luginore pritet të fitojë shpejtësi
deri 17 m/sek
Deti-Valëzimi në detet Adriatik dhe Jon i forces 3-4 ballë.
