Reshjet e shiut i kanë lënë vendin dëborës mbrëmjen e kësaj të hëne.
Në bajpasin e Murrizit reshjet e borës kanë krijuar shtresë në asfalt duke vështirësuar qarkullimin e automjeteve. Reshjet vijojnë të biejnë me intensitet të lartë ndërsa një mjet i firmës po hedh kripë në mënyrë që qarkullimi të mos paralizohet totalisht.
Po ashtu në terren për të monitoruar situatën janë edhe efektivët e policisë rrugore të cilët kanë nisur kontrollet e automjeteve për pajisjen me zinxhirë, në të kundërt nuk do të lejohen të qarkullojnë në bajpas në drejtim të Tiranës apo Qarkut Dibër.
