Reshjet e borës përfshinë edhe qarkun e Gjirokastrës. Reshjet janë me intensistet mesatar, të shoqëruara herë pas here edhe nga erëra të forta.
Për shkak të rënies së temperaturave, ka patur ngrica në rrugë dhe akumulim bore në zonat kodrinore dhe malore. Akset rrugore nacionale Kufi Mallakastë-Memaliaj-Tepelenë-Kakavijë, Ura e Leklit-Këlcyrë-Përmet-Tri Urat, Jorgucat-Q. Muzinë dhe ato rajonale që lidhin bashkitë me qendrat administrative funksionojnë normalisht.
Kurse segmente të bllokuara janë: Kolonjë-Golem bashkia Gjirokastër, Poliçan-Sopik bashkia Libohovë, Mbrezhan-Malëshovë bashkia Këlcyrë dhe Bredhi Hotovës-Frashër-Gostivisht bashkia Përmet. Rrugët e fshatrave në zonat malore të qarkut janë të kalueshme vetëm me zinxhirë.
