Vetëm pak javë pasi qeveria e re italiane ka nisur punën, ish kryeministri italian socialdemokrat Matteo Renzi bëri të ditur detaje nga partia e re që ai po themelon.
“Italia Viva” është forca më e re politike e krijuar tashmë në Itali, e drejtuar nga ish-kryeministri dhe ish-kryetari i partisë demokratike Matteo Renzi.
MATTEO RENZI
ISH-KRYEMINISTER I ITALISE
Partia e re është sfida e politikës tonë. Duam të komunikojmë me njerëzit, të bisedojmë me ta e t’i bëjmë të besojnë tek politika, është e nevojshme një gjetje e re më inovative .
Sipas Renzit në partinë e re “Italia Viva” kanë aderuar rreth 40 parlamentarë, 25 deputetë e 15 senatorë, emrat e të cilëve nuk bëhen ende publik.
Renzi ka hedhur poshtë zërat se përçarja e partisë demokratike do të vërë në rrezik qeverinë e koalicionit lëvizja 5 YJE-PD. Sipas tij, ajo është krijuar enkas për t’i dhënë jetëgjatësi kësaj qeverie.
Ish kryeministri nuk nguroi të akuzonte partinë demokratike për mungesë vizioni e grindjeje të vazhdueshme mes rrymave brenda forcës politike.
Ndërkohë drejtuesi radikal i djathtë ish-ministri i brendshëm Matteo Salvini ka akuzuar Renzin se gjithçka po e bën për të shpëtuar karrigen e tij duke paralajmëruar se qeveria e re është në krizë dhe së shpejti do të mbahen zgjedhje të reja.
