28 persona kanë mbetur të vdekur si pasojë e tajfunit Lekima që goditi Kinën këtë fundjavë. Ende nuk dihet asgjë për fatin e dhjetëra të zhdukurve.
Më shumë se 1 milionë njerëz janë detyruar të braktisin shtëpitë e tyre. Sipas autoriteteve shumica e viktimave u regjistruan si pasojë e rrëshqitjeve të tokës për shkak të shirave të dendur
Banoret ishin paralajmëruar për rrezikshmërinë e tajfunit Lekima, por nuk arritën te merrnin masat ne kohe.
Lekima tashmë pritet të zbarkojë në Shangai, megjithatë fuqia e tajfunit është dobësuar.
Ekipet e emergjencës dhe ushtria ndërkohë janë në gatishmëri të plotë, ndërsa vendi po përballet me përmbytjen e rrugëve dhe banesave. Ne zonën me te prekur mungon edhe energjia elektrike.
