Partia Socialiste do të mbledh të shtunën Kryesinë ku do të zyrtarizojë dhe kandidaturat e kryebashkiakëve.

 

Por një ditë para mbledhjes së Kryesisë, kryesocialisti Edi Rama për rreth katër orë ka zhvilluar takime në selinë e PS me të deleguarit në lidhje me kandidaturat.

 

Në takim kanë qenë të pranishëm edhe kreu I Kuvendit, Gramoz Ruçi si dhe sekretari i Përgjithshëm I PS, Taulant Balla.

 

Por edhe pse një pjesë kandidaturave është zyrtarizuar nga kryeministri Rama gjatë turit “Bashkia që Duam”, pjesa tjetër vijonë të jetë enigmë pasi nuk ka një vendim përfundimtar.

 

Enigmë ngelet Bashkia e Dibërës dhe ajo e Durrësitm të cilat pritet të zyrtarizohen nesër.

 

Por edhe pse ende nuk janë zyrtarizuar kandidaturat, mësohet se në Bashkinë e Dibrës mazhoranca do të bëjë një suurprizë. Kandidatja potenciale që do të garojë në siglën e PD është përfolur se do të jetë deputetja e PDIU, Reme Lala, e cila e ka braktisur partinë e Shpëtim Idrizit dhe I ka shprehur besnikëri Partisë Socialiste.

 

Nga ana tjetër, në Bashkinë e Durrësit, emri më I përfolur është ai I deputetes Klodiana Spahiu e cila është në balotazh me deputeten tjetër të PS në këtë qark Milva Ekonomin.

 

Ndërkohë enigmë është dhe kandidatura në bashkinë Vlorë, ndonëse me shumë mundësi PS do të rikandidaojë kryebashkiakun aktual Dritan Leli.

 

Kurse sa I takon bashkive të tjera, PS ka konfirmuar në Tiranë, Erion Veliajn, në Korçë, Sotiraq Filon, në Shkodër, Valdrin Pjetrin, në Fier, Armando Subashin, në Lezhë, Pjerin Ndreun, në Berat, Ervin Demon, në Kukës, Safet Gjicin, në Pogradec Ilir Xhakollin, kurse në Elbasan, Gledion Llatjan.

 

Po ashtu Gjirokastra pritet që të konfirmohet ditën e nesërme ku me shumë mundësi do të përzgjidhet deputeti Flamur Golemi.

Leave a Reply

Your email address will not be published. Required fields are marked *