Rektori i Universitetit të Tiranës, Mynyr Koni nepermjet nje letre te hapur, i ka kërkuar ministres se Arsimit Besa Shahini, anulimin e zgjedhjeve per drejtues te institucioneve te arsimit të lartë.
Ai u shpreh se studentët nuk janë në auditorë dhe kështu nuk kanë mundësi të ushtrojnë të drejtën për të votuar.
Për këtë shkak dhe situatës së krijuar nga virusi, Koni kërkon që zgjedhjet të bëhen pas përfundimit të gjendjes së fatkeqësisë natyrore.
Sipas Konit, mbajtja e zgjedhjeve në 12 qershor siç është planifikuar, bie ndesh me disa akte ligjore.
Ndërsa këtë të mërkurë, Koni shkarkoi nga detyra 4 pedagogë anëtarë të komisionit institucional të zgjedhjeve, si dhe kryetaren e tij, Majlinda Keta, per shkelje ligjore.
Keta reagoi duke e konsideruar vendimin mbi shkarkimin nga detyra, si të pavlefshëm dhe shpërdorim detyre të funksionit publik nga ana e rektorit.
