Ministrja e Mbrojtjes Mimi Kodheli në vijim të fushatës së rekrutimit në Forcat e Armatosura, ka zhvilluar një takim me nxënës maturantë të gjimnazit “Dhaskal Todri” në qytetin e Elbasanit. Ajo u tha nxënësve, se ushtria eshte një mundësi e madhe për ta. Sipas saj, ne Forcat e Armatosura dhe Ministrinë e Mbrojtjes, punësohen çdo vit të paktën 250-300 vetë. Zonja Kodheli tha se mundësitë për të studiuar në akademi apo në akademitë më të mira në botë janë shumë të mëdha, duke mundësuar një karrierë që sot, nuk është vetëm prone e djemve. Ministrja Koledhi, theksoi se karriera ushtarake është e sigurt, sepse ajo funksionon në një mënyrë të tillë, e cila rregullohet në bazë të ligjeve specifike, ku askush nuk mund që për shkak të politikës apo politikave partiake, të ndërpres karrierën e asnjë ushtaraku profesionist. Për vitin 2016 është planifikuar që në Forcat e Armatosura të rekrutohen 600 ushtarë aktiv.

Leave a Reply

Your email address will not be published.