Tërmeti ka goditur përsëri zonën e Gjirit të Lalzit. Në orën 10:21 të kësaj të diele, është regjistruar një lëkundje sizmike me magnitudë 3.6 të shkallës rihter.
Mësohet se nuk ka pasur të lënduar në njerëz dhe as dëme materiale. Gjiri i Lalzit mbetet ende një vatër aktive për tërmete.
Më datë 4 korrik ra një tërmet me magnitude 5.2 dhe që u konsiderua i fuqishëm nga sizmologët. Lëkundjet u ndjenë në pjesën më të madhe të zonës së Shqipërisë së mesme. Prej asaj date, lëkundjet kanë vijuar, edhe pse me intensitet me të vogël.
