Ministrja e Arsimit Evis Kushi ka deklaruar se nesër nis faza e dytë e regjistrimit të nxënësve për klasat e para dhe të dhjeta.
Në një postim në Facebook, Kushi shkruan se regjistrimi mund të bëhet vetëm përmes portalit e-Albania, dhe afati do të jetë deri në 25 gusht.
Regjistrimet sipas ministers Kushi do të jenë vetëm online, dhe për ata prindër që kanë nevojë për ndihmë t’u drejtohen stafeve të dedikuara.
“Dëshiroj të informoj të gjithë prindërit që ende nuk i kanë regjistruar fëmijët e tyre në klasat e para dhe të dhjeta, se nesër nis faza e dytë e regjistrimit në portalin e-Albania dhe do të zgjasë nga data 15 deri 25 gusht.
Ju lutem kini në vëmendje se regjistrimet për vitin shkollor 2022 – 2023 do të jenë vetëm online, por të gjithë prindërit që kanë nevojë do të kenë mundësinë të mbështeten apo ndihmohen nga stafe të dedikuara në çdo shkollë. Asnjë nxënës nuk do të mbesë pa u regjistruar.
Faleminderit dhe suksese!”, shkruan Kushi.
