Prokuroria e Posaçme ka vendosur të mos pranojë kërkesën e ish-kryeministrit, Sali Berisha, për të marrë pjesë në seancat plenare.
Në vendimin e arsyetuar të SPAK thuhet se Berisha, njësoj si çdo qytetar tjetër, nuk duhet të shkojë në punë, në një kohë kur ndaj tij është vendosur masa e sigurisë “arrest shtëpie”.
Lexo edhe :
Related Posts
Ish-lideri i Partisë Demokratike kërkoi pak ditë më parë përmes avokatëve të tij që të lejohet të jetë i pranishëm në Kuvend.
Ndërkohë, të enjten Apeli i Posaçëm regjistroi çështjen për shqyrtimin e kërkesës së Berishës, i cili kërkon masë më të butë sigurie.
Ish-kryeministri ndodhet në “arrest shtëpi”, së bashku me dhëndrin e tij, Jamambër Malltezi, të dy të dyshuar për përfshirje në aferën korruptive të privatizimit të ish-kompleksit “Partizani”.
Ndërkohë, javën e ardhshme pritet që të merren në pyetje nga togat e zeza ish-kryeministri së bashku me dhëndrin e tij. Të dy i kanë mohuar në mënyrë kategorike akuzat, duke e konsideruar procesin gjyqësor ndaj tyre si politik./vizionplus.tv/
