Prokurori i pergjithshem Adriatik Llalla i dha pergjigje nga Shtetet e Bashkuara hamendesive te diteve te fundit per arsyet mbi mohimin e vizes nga ambasada amerikane ne Tirane te prokurorit te Durresit Agron Gjana, qe nuk udhetoi me te ne kete vizite te tij. Llalla konfirmoi se ambasada kishte dyshime se Gjana mund te mos kthehej me ne Shqipëri.
Prokurori i Durrësit ishte parashikuar të ishte pjesë e delegacionit tim sot këtu në Uashington, viza për të cilin nuk u dha në kohën e duhur nga ambasada amerikane ose më pas u dha dhe u kancelua për shkaqe që tashmë të bëra publike. Fillimisht ambasada njoftoi se nuk e ka dhënë vizën për shkak se dokumentacioni nuk ka qënë i plotë dhe njëherazi duke u shprehur se ne rastin konkret nuk ishte besimi i plotë se prokurori do të kthehej sërish në Shqipëri.
Kreu I organit qendror te hetimit, komentoi edhe nje nga reformat me te rëndësishme ne vend, ate ne drejtësi, qe vlerësohet nga ndërkombëtaret si kyç per procesin integrues te vendit. Ai deklaroi se prokuroria ka bere vërejtjet e saj për draftin. Numri një i akuzës mbrojti ndryshimet e fundit ne disa Prokurori te vendi e veçanërisht ne strukturën antikorrupsion. Kryeprokurori u pyet edhe per nje dosje te rëndësishme si ajo e vrasjes se bankierit Artan Santo, por nuk dha detaje përveç faktit se bashkëpunimi me policinë vazhdon.
