Reforma, takohen Rama dhe Meta

Edi Rama dhe Ilir Meta janë takuar ne orët e vona te mbrëmjes se te mërkurës ne “Vilen 30” pranë kryesisë se kuvendit. Zhvillimet fundit për reformën ne drejtësi dhe drafti i hartuar nga ekspertet e nivelit te larte, i cili është bere tashme publik, kane qene ne fokus te bisedës mes dy drejtuesve te mazhorances. Pas përfundimit te takimit nuk u be asnje koment, por shefi i qeverise ndaloi sa për te përshëndetur gazetaret dhe kamerat qe prisnin jashtë ambienteve te rezidencës qeveritare. Takimi ne te cilën ishte i pranishëm edhe Ministri i Drejtësisë, Ylli Manjani, u mbajt vetem pak pasi Rama priti ne kryeministri Ambasadorin e Shteteve te Bashkuara Donald Lu dhe atë te Bashkimit Europian Romana Vlahutin. Diplomatet qëndruan ne zyrën e shefit te ekzekutivit per afro dy ore. Megjithëse nuk dihen shume detaje rreth takimit konfirmohet se thelbi ishte pikërisht reforma ne drejtësi. Takimi i ambasadoreve me kryeministrin u zhvillua ndërsa procesi i reformës ka hyre ne nje faze kritike. Ekspertet e nivelit te larte e konsideruan te mbyllur punën e tyre, por opozita, nuk lëviz nga qëndrimi i saj se drafti duhet te sanksionoje zgjedhjen e anëtareve te drejtësisë me shumice kushtetuese per te shmangur siç thotë ajo kapjen e sistemit nga mazhoranca. LSI nga ana tjetër këmbëngul per miratimin e reformës përmes nje procesi politik. Mazhoranca është shprehur qarte përmes kryeministrit Rama se kjo reforme u përket vetëm eksperteve, dhe per sa kohe, nuk ka mirëkuptim mes palëve duhet te dëgjohet vetëm opinion final i Komisionit te Venecias. Ambasadoret sidomos ai i SHBA-ve Donald Lu dhe përfaqësuesja e Bashkimit Europian, Romana Vlahutin, janë investuar shume ne procesin e reformës ne drejtësi.