Rebelet siriane kane lajmëruar nisjen e nje ofensive te re qe synon te thyeje rrethimin e forcave qeveritare ne qytetin e Alepos. Nje grup vëzhgues britanik njoftoi se rebelet kane lëshuar qindra raketa ne perëndim te Alepos, duke vrare 15 civile. Gjithashtu raportohet se shënjestër e tyre ka qene edhe aeroporti ushtarak i Al-Nairab ne lindje te vendit. Rreth 275 mije persona kane mbetur te ngujuar, te rrethuar nga forcat qeveritare te pjesës lindore te qytetit per muaj te tere. Siria dhe aleatja e saj Rusia kane shtuar bombardimet ajrore ne kete zone gjate javëve te fundit. Deri tani, sulmet janë realizuar nga forcat rebele jashtë Alepos, por vetëkuptohet se rebelet qe ndodhet te rrethuar brenda qytetit do t’i bashkohen se shpejti ofensivës. Kjo është tentative e dyte e rebeleve per te thyer rrethimin. Ne gusht ata arritën te hapin përkohësisht nje korridor mes lindjes dhe perëndimit. Te paktën 500 persona kane humbur jeten dhe 2000 te tjerë jane plagosur qe prej nisjes se luftimeve ne qytetin e kthyer ne simbol te luftës civile qe po zhvillohet prej muajsh te tere ne Siri.
