Një raketë është lëshuar nga Jemeni drejt Izraelit, në afërsi të aeroportit ndërkombëtar Ben Gurion. Ushtria izraelite konfirmoi se sistemi i saj mbrojtës dështoi të rrëzonte raketën këtë të dielë, pavarësisht disa përpjekjeve. Si pasojë e kësaj goditjeje, 8 persona mbetën të plagosur.
Sirenat u dëgjuan në të gjithë Izraelin qendror, duke bërë që shumë njerëz të zhvendoseshin në vendstrehime.
Për shkak të këtij sulmi, autoritetet ndaluan përkohësisht trafikun ajror. Rebelët Huthi të Jemenit morën përgjegjësinë për raketën e lëshuar në aeroportin më të ngarkuar të Izraelit duke paralajmëruar inxhinerët ajrore se aeroporti Ben Gurion “nuk ishte më i sigurt për udhëtime”.
Ndërkohë, Ministri izraelit i Mbrojtjes, Israel Katz, kërcënoi me hakmarrje të ashpër.
“Kushdo që na sulmon, ne do ta godasim shtatë herë më fuqishëm.”- tha Israel Katz, Ministri izraelit i Mbrojtjes
Rebelët Huthi – që mbështeten nga Irani dhe që janë të shpallur organizatë terroriste nga Shtetet e Bashkuara – kanë sulmuar Izraelin me raketa dhe dronë dhe po ashtu edhe anijet në Detin e Kuq. Ata kanë thënë se veprojnë në solidaritet me palestinezët, për shkak të luftës në Gazë.
/vizionplus.tv
