Real është finalisti i dyte i Uefa Champions League ne 3 qershor ne Cardif, aty ku do te përballet me italianet e Juventus. Ne takimin e dyte gjysemfinal ne Vicente Calderon, skuadra e Zinedin Zidan u mund 2 -1 kundër Atletikos, por vazhdoi me tej fale edhe fitores se thelle 3-0 ne takimin e pare.
Edhe ne ketë sfide te transmetuar ne Vizion Plus dhe Tring, derbi madrilen nuk i shpëtoi grinte te emocioneve dhe spektaklit, nje rivalitet qe kapërcen futbollin: te pasurit kundër te varfërve, veriu kundër jugut, fituesit e pamëshirshëm ndaj humbësve romantike. Per here te katërt ne historinë e Champions, Atletiko dështon përballe Realit pa arritur te beje mrekullinë. Ne nje stadium te tejmbushur prova e fundit ne turneun prestigjioz përpara se te zhvendosen ne nje tjetër me modern, te ashtuquajturit Los Colchoneros e filluan me mjaft presion sfidën duke tentuar drejt portës kundërshtare. Dhe ne minutën e 12 vendasit arritën te zhbllokonin shifrat ne nje gjuajtje me koke te Saul, duke rritur shume shpresat per nje përmbysje te madhe. 4 minuta me vone kualifikimi i te zotëve te shtëpisë u rihap si me magji kur gjyqtari kryesor akordoi nje penallti pas nje ndërhyrje ne zone te Varane ne dem te Torres dhe e kthyer ne gol nga francezi Grizman. Por shënimit te dy golave, skuadra e Simenones uli ritmin e lojës, duke i dhëne mundësi kundërshtarit te organizohej dhe te merrte mesfushën. 3 minuta nga fundi Benzema mes tre lojtareve Savic, Himenez dhe Godin arriti te gjente hapësirën ne te majte, duke pasur te Toni Kros i cili tentoi menjëherë drejt Oblak. Slloveni arriti te grushtonte, por topi përfundoi ne këmbët e Isco i cili fare pranë nuk e kishte te vështire te ngushtonte diferencën e golave.
Edhe pse tashme me e vështire pasi duheshin shënuar tre gola te tjerë, Atletiko kërkoi përsëri ne pjesën e dyte per te gjetur hapësira ne prapavijën kundërshtare, ndërsa Navas ne minutën e 66 shpëtimtar i portës ne dy pritje te shkëlqyer ndaj Karaskos dhe Gameiro. Me kualifikimin ne duart e tyre. Gjithsesi Real arriti te kontrollonte sfidën qe nuk i ndryshoi shifrat deri ne fund duke u larguar me humbjen me te ëmbël me arome kualifikimi.
Per klubin Merengez kjo është finalja e 15 ne champions ndërsa per t’u bere legjende e këtij turneu si ekipi fitues dy here radhazi, tashme i duhet te mposhte nje nga skuadrat me te mira te këtij sezoni Juventus.
