Reali i Madridit mposhti Bajernin e Mynihut ne sfidën e pare çerekfinale te Uefa Champions League, duke hedhur nje hap te rëndësishëm drejt raundit tjetër te turneut me prestigjioz te futbollit. 2-1 ne Alianc Arena per kampionet ne fuqi te kontinentit me Kristiano Ronaldon, heroi i mbrëmjes me dopieten e tij. Ne finalen e parakohshme, ne sfidën e gjigandeve nje triumf edhe i nxënësit Zinedin Zidan përballe mësuesit te tij Karlo Anceloti. Nje takim qe ashtu siç ishte parashikuar pati spektakël dhe emocione te mëdha. Rast i arte qe ne fillim per madrilenet qe ne minutën e 18 goditen shtyllën me Benzema. Por përgjigja e bavarezeve ishte e menjëhershme dhe e frikshme kur 7 minuta me vone Arturo Vidal zhbllokoi shifrat duke gjetur rrjetën. Gjermanet nje hap larg dyfishimit te rezultati kur ne minutën e 40 ne një 11-metersh te diskutueshëm futbollisti kilian dështoi nga pika e bardhe e penaltisë. Rregulli i pashkruar i futbollit kush gabon e pëson u shfaq me fillimin e pjesës se dyte, kur Kristiano Ronaldo ktheu gjithçka ne baraspeshe, duke i dhëne fund makthit prej 66 minutash qe nuk shënonte ne Champions League. Bajern ne vështirësi dhe gjithçka u be akoma me e vështire per te zotet e shtëpisë, kur Havi Martinez pas dy kartonëve te shpejte te verdhe ne minutën e 61 la skuadrën me nje lojtar me pak. Ne superioritet numerik spanjollet rriten presionin dhe ne minutën e 77 përsëri Kristiano Ronaldo mposhti portierin Nojer, duke kaluar per here te pare ne avantazh Realin. Per portugezin goli me numër 100 ne kompeticionet europiane, nje rekord me vete. Mjaft vuajte ne minutat e fundit per skuadrën e Ancelotit qe tashme i duhet te beje nje mrekulli ne ndeshjen e kthimit per te kaluar ne fazën tjetër. Ne Vincente Calderon edhe pse ne nje ndeshje te dominuar totalisht Atletiko e Madridit fitoi me rezultatin minimal 1-0 përballe Leicester City. Goli i vetëm i takimit u shënua ne minutën e 28 nga Antuan Grizman nga pika e bardhe e penaltisë. Ndërkohe vazhdon te surprizoje Monako ne Champions League. Skuadra e Principatës arriti rezultatin surprize ne Dortmund 3-2 përballe Borusia. Francezet dështuan nga pika e bardhe e penaltisë ne minutën e 17 me Fabinjo përpara se te kalonin ne avantazh dy minuta me vone me Mbape. Ne minutën e 35 pas nje kundërsulmi te shpejte skuadra e Zhardim dyfishoi shifrat pas autogolit te Bender. Gjermanet duket se u kthyen ne loje ne minutën e 57 kur dembele ngushtoi diferencën e shifrave. Gjithsesi ishte nje mbrëmje jo e mire per Dortmund kur ne minutën e 79 përsëri talenti Mbape shënoi golin e trete per skuadrën e tij. 6 minuta nga fundi vendasit shënuan golin e dyte me Kagava dhe tashme u duhet nje fitore me dy gola diferencë, nëse duan te presin nje bilete per ne gjysmëfinalet e Champions League.
