Rafa Benitez nuk është më trajner i Realit te Madridit. Ashtu siç edhe ishte paralajmëruar pas barazimit të fundit në kampionat kundër Valencias, trajneri i njohur spanjoll është shkarkuar nga presidenti i ekipit Merenges Florentino Perez. Në një kohë që drejtuesit e lartë madrilène u mblodhën këtë të hënë pasdite në zyrat e klubit në stadiumit “Bernabeu” në lidhje me një çështje të tillë, mediat e mëdha sportive spanjolle nxituan të jepnin lajmin për shkarkimin e Rafa Benitez. Madje “Marca” ishte e para, e cila lajmëroi se pasardhësi i Benitez do të ishte ish ylli i skuadrës dhe i kombëtares franceze Zinedine Zidan, i cili deri tani ka mbajtur postin e Real Madrid Castilla, skuadrës së dytë të klubit gjigand spanjoll. 55 vjeçari Benitez mori drejtimin e Real Madrid vëren e kaluar, pasi nga ekipi u largua Karlo Anceloti. Ai e la skuadrën ne vendin e 3 ne La Liga me 4 pikë më pak sesa kryesuesit e Atletico Madrid dhe 2 më pak sesa Barcelona që gjithsesi ka një ndeshje te prapambetur. Por më shume sesa rezultatet, cilësia e lojës, humbja 4 me 0 ne El Clasico dhe në mënyre te veçante pakënaqësitë tek tifozët dhe disa nga yjet e ekipit, mes të cilëve Kristiano Ronaldo e detyruan presidentin Perez të shkarkoje Benitezin. Dyshja që do drejtoje Realin te paktën deri ne fund te sezonit do të jetë ajo mes Zinedin Zidan dhe Santiago Solarit edhe ky ish lojtar i njohur Merenges.
