Reali i Madridit nuk njeh kufij
Real i Madridit fitoi edhe El Clasicon e dytë në Bernabeu, duke fituar sperkupën e Spanjës. Pas triumfit 3 me 1 në Kamp Nou pak ditë më parë, skuadra e Zidanë pas një pjesë të parë të jashtëzakonshme detyroi katalanasit që të dorëzoheshin në një tjetër humbje 2 me 0 që konfirmon mbretërimin e Real Madrid në futbollin spanjoll, pas diktatit edhe ne europe ku fitoi Champions dhe superkupën e europës.
Trofeu i shtatë në total në vetëm 20 minuta karriere si trajner tek Los Blankos, për Zinedine Zidanë, që po i gëzohet një ekipi super në të gjitha drejtimet, pa folur pastaj për emra të veçante ku ai që po habit gjithnjë e më shumë është Marko Asensio. Në mungese të Ronaldos dhe Bejl, është ai që ngre peshe publikun ne Bermabeu me një supergol që në startin e ndeshjes.
Barcelona reagon në dy raste me Messin dhe Suarez, por pa mundur të shënoje. Vetëm kaq për miqtë të cilët e shohin vetën te shastisur gjatë pjesës së parë nga presingu asfiksues i Realit dhe nga qarkullimi i shkëlqyer i topit i vendasve që konkretizohet me nje tjetër gol këtë herë nga Benzema që la në vend mbrojtësin Umtiti. Në pjesën ë dytë më mirë Barcelona me dy shtylla të Messit dhe Suarez dhe disa raste te tjera të pastra për shënim, por kjo nuk e zbeh aspak superioritetin e Realit në dy ndeshjet e zhvilluara. Skuadra për t’u mundur janë pikërisht ata edhe në sezonin e ri në Spanjë dhe Europë.
Ndërsa Barcelona është në një moment krize që reflektohet edhe nga fjalët e Pike pas ndeshjes, i cili në një postim në twitter pranoi se për herë të parë pas 9 vitesh, Reali ishte superior kundrejt Barcelonës. Realitet i hidhur për katalanasit të cilët mund ti shpëtoje ndoshta vetëm një merkato super, ku flitet se shpejt mund të mbërrijnë Kutinjo dhe Dembele, përveç blerjes se konfirmuar Paulinhho.
