Reali i Madridit e nisi keq vitin 2016, duke mos shkuar më shumë sesa barazimi 2 me 2 ne Mestaja kundër Valencias. Në javën e 18 të kampionatit, skuadra Merenges hodhi tej një shans të artë për tu barazuar me pikë me Barcelonen e vendit të dytë ndërsa Atletico e Madridit kryesuese tashmë është plot 4 pikë larg. E megjithatë pika e marrë ne Mestaja nisur nga ajo që dhanë ekipet në fushën e lojës është një rezultat goxha i pranueshëm për realin, që vuajti shumë intensitetin e lartë të lojës nga Valencia e karikuar nga debutimi në stol i trajnerit të ri Geri Nevill. Ne minutën e 16 ishte skuadra Los Blankos që zhbllokoi rezultatin me Benzema pas një aksioni shumë të bukur me Bejl dhe Ronaldon. Në fund të pjesës së parë vendasit barazojnë pas një gabimi të Pepes, që i lejon Parejos të shënoje nga pika e bardhe e penalltisë golin e barazimit. Në pjesën e dytë në minutën e 68, Kovacic fut në telashe miqtë duke u ndëshkuar direkt me karton të kuq pas ndërhyrjes ndaj Kanselos, por pavarësisht se qe me 10 lojtar, Reali kaloi në avantazh në minutën e 82 falë një goli shumë të bukur të Garet Bejl. Por vendasit nuk u pajtuan me disavantazhin dhe arritën te barazonin sërish shifrat pas vetëm 1 minute me anë të Pako Alkaser që shfrytëzoi një tjetër gabim te Pepe. Reali në të 94 ishte me shumë fat kur Negredo gaboi një rast të pastër përballe Kejlor Navas. Barazimi ndaj Valencias ka shtuar presionin ndaj trajnerit Benitez që është në prag të shkarkimit.

Leave a Reply

Your email address will not be published.