Këtë mesjave do te përcaktohen 4 skuadrat gjysmëfinaliste te Uefa Champions League. Platforma Tring dhe Vizion Plus do të rikthejnë të martën dhe të mërkurën emocionet e përplasjeve te mëdha që u përjetuan disa ditë më parë në ndeshjet çerekfinale.
Dueli i parë që pritet me shumë kërshëri është përplasja e “Bernabeut” në atë që është konsideruar edhe si klasikja e Evropës, mes Realit të Madridit dhe Bayernit të Mynihut. Skuadra Los Blankos fituese në fuqi e kompeticionit, vjen në këtë takim me favorin e fitores 2-1 në ndeshjen e parë edhe pse në një duel të tillë asgjë nuk mund të quhet e sigurtë.
Zidane la pushim 9 titullarë në ndeshjen e kampionatit fituar kundër Gijonit, vetëm që ti ketë në forme te mirë sportive futbollistet që do të përballojnë Bayernin. Problem i vetëm i madh është Garet Bale, teksa uellsiani ka shumë pak shanse që te rikuperoje dëmtimin e pësuar në ndeshjen e parë. Megjithatë në çdo rast në vendin e tij do të ishte një Isko në superforme.
Por nëse tek Reali situata duket e qete, tek Bajerni janë më shumë te shqetësuar. Skuadra bëri një prove jo të mirë edhe kundër Leverkusen në kampionat dhe për me tepër mbrojtja është reparti që shqetëson shumë Ancelotin. Humels ka shumë pak shanse të rikuperohet për super përballjen e së martës, ndërsa shanset e Boateng janë 50 me 50%.
Me Havi Martinezin e pezulluar dyshja e qendrës mund të jetë tërësisht e improvizuar Kimish e Alaba. Lajmi i vetëm i mirë me të cilin ngushëllohet trajneri Italian është rikthimi i Levandovskit, bomberit polak ndër më të mirët në botë në rolin e tij. Ndeshja do gjykohet nga hungarezi Viktor Kasai.
