Në Spanjë, Reali i Madridit fitoi takimin e parë të kampionatit duke mundur në shtëpi Getafen 2 me 0.
Sfida që mund të konsiderohet një derbi i vogël i Madridit, u dominua nga skuadra Los Blankos por mungesa e Ronaldos u ndie jo pak tek skuadra e trajnerit Lopetegi që hasi vështrirësi në krijimin e rasteve për shënim dhe në konkretizimin e tyre.
Jo rastësisht goli i parë i ndeshjes u shënua nga mbrojtësi i krahut të djathtë Karvahal. Për të vulosur shifrat në favor të Realit, mendoi Garet Bejl në minutën e 51.
