Real Madrid dhe Manchester United do të jenë përballe njëra-tjetrës këtë të martë në trofeun e parë të madh të sezonit të ri. Në Shkup, këto dy klube nder më të mëdhatë e futbollit të klubeve ne Europe dhe botë, do të luajnë, për të fituar trofeun e superkupës së Evropës.
Madrilenet vijnë në këtë supërsfide si fitues në fuqitë Uefa Champions League pasi mundën 4 me 1 në Gllazgou, Juventusin, ndërsa përballe kanë fituesen e Uefa Europa League, Manchester United që mposhti 2 me 0 Ajaksin. Në historinë e vet të lavdishme, Real Madrid ka luajtur 5 herë në Superkupën e Europës. Në tre raste skuadra Merenges ka ngritur trofeun në vitet 2002, 2014 dhe 2016 respektivisht ndaj Fejnord dhe dy herë ndaj Seviljes, ndërsa në dy raste janë mundur nga Chelsea në 1998 dhe nga Gallatasarai në vitin 2000.
Nga ana tjetër Manchester United në tre raste që ka luajtur ne Superkupës e Europës, ka fituar vetëm 1 herë ndaj Cervena Zvezdes në 1991 ndërsa në dy raste të tjera është mundur nga Lazio dhe Zeniti ne vitet 1999 dhe 2008. 10 ndeshjet kanë luajtur këto dy ekipe përballe njëra-tjetrës në kompeticionet europianë, me një ekuilibër perfekt mes tyre, 4 fitore për secilën skuadër dhe 2 barazime.
Faktet interesante në këtë supersfide nuk mungojnë. Reali do të gjeje përballe ish-trajnerin Murinjo, i cili e drejtoi klubin nga 2010 deri ne 2013. Megjithatë kundër madrileneve si rival, Murinjo nuk ka fituar asnjëherë në 4 takime që ka luajtur. Një tjetër ish i madh i kësaj ndeshje është Kristiano Ronaldo, një lojtar i cili shkëlqeu e fitoi trofe me Manchester United, përpara se të kalonte tek Reali, ku tashmë po bën historinë.
Megjithatë për fatin e mirë të djajve të kuq, Ronaldo është bashkuar vonë në stërvitje me Realin dhe nuk pritet te jete pjesë e skuadrës në Shkup. E meqenëse jemi tek kryeqyteti maqedonas, ndeshja do të luhet në një stadium modern si Filipi i 2 me kapacitet 33 mije tifozë. Ndeshja do të gjykohet nge italiani i mirënjohur Nikola Ricoli, ndërsa transmetimi do të jetë një ekskluzivitet i Vizion Plus HD dhe Tring HD, direkt nga Shkupi të martën në mbrëmje ora 20 e 45.
